တို့ ဝေဝေဝါးဝါး ဝေးကွာသွား
မိုးရေထဲ မျက်ရည်စက်ကလေးမျောသွားသလို
တို့ ကိုယ်တိုင်မသိနိုင်တဲ့ မျက်လှည့်ပညာများထဲ
တို့ ဝင်ရောက်အသုံးတော်ခံလိုက်ကြရတယ် ။
တို့ သီချင်း ၊ တို့ ဂစ်တာ
တို့ နှစ်ယောက်ဟာ တစ်ယောက်တည်းလို
တို့ အတွေးတွေ ၊ တသွေးတသားတည်း
တို့ ထွန်ယက်စိုက်ပျိုးခဲ့သော နှင်းဆီ
ဘယ်နှစ်ပွင့်ပဲ ပွင့် ... ပွင့်
နှင်းဆီနာမည်နဲ့ တစ်ပွင့်တည်းပေါ့ ။
တို့ ပညတ်ချက်မှာ ကြယ်တွေပြာ လတွေပြာ
အကြောင်းအကျိုးတွေအားလုံး အားလုံး ပြာ
တို့ အတွေးထဲမှာ ချစ်ခြင်းပြာပြာနဲ့
တို့ ကောင်းကင် ၊ တို့ မြေယာ
အပြာရောင်ဂီတလေး ငြိမ်းချမ်းခဲ့ပြီးကာမှ
တို့ ဘာကြောင့် တစ်ယောက်ကို တစ်ယောက်
ပြန်ပေးလိုက်ရတာလဲ
ကံတရားဆီ ... ။
တို့ လွမ်းနေ
တို့ ကြေကွဲနေ
တို့ မယုံနိုင်ခြင်းတွေပြည့်နေ
တို့ ဘယ်ကိုရွေ့လျားနေသူများလဲ
တို့ တောင်ဘက် မြောက်ဘက်
အတွေးတွေ ကျောခြင်းကပ်ပြီး ဝေးကွာ
တို့ လက်ထပ်လိုက်ရတာ ဝဋ်ကြွေးကိုလား
တို့ စွယ်တော်ရွက်ဟောင်းလို ဝါကျင်နေ
တို့ကိုယ်တို့ ကြင်နာခဲ့ရလို့ နာကျင်နေ ။
တို့ ကျမ်းစာတွေရွတ်ခဲ့
တို့ ကျိန်စာတွေမိခဲ့
တို့ဟာ တို့နှစ်ယောက်ရဲ့ကျေးကျွန်ဖြစ်ပြီး
ဘယ်တော့မှ မလွတ်မြောက်လိုသူများ
ခု လွတ်ထွက်သွားချိန်မှ အလွမ်းကြီးလွမ်းရ
တို့ဟာ ၊ တို့ကမ္ဘာရဲ့
မီးကို စတင်တွေ့ရှိလိုက်သူတွေဖြစ်ကြပေါ့ ။
K သူ
