၁။ အဝါရောင် ဆောင်းရက်များ ... ။ အဝါရောင်ဆောင်း
ရက်များထဲက မျက်ရည်ဆန်တဲ့နှင်းစက်တွေ နောက်ဆုံး
ကြွေသွားတဲ့နေ့မှာပါ ။ ကျွန်တော့်ရင်ဘတ်ထဲက စကား
လုံးတွေ တခုချင်းဆွဲနှုတ်ခံနေရတယ် ။ ဒီအချိန်ရဲ့ယခင်
အတိတ်နေ့ရက်များစွာကတော့ ခုလိုအိမ်မက်ဆန်မနေ
ခဲ့တာတော့ အမှန်ပါ ။ ခု ... ကျွန်တော့်သံသရာကြီးဟာ
လည်မှ လည်ပတ်နေသေးရဲ့လား ။ ကျွန်တော်ဆိုတာ
ရော ကျွန်တော်အဖြစ်ရှိနေသေးရဲ့လား ။ ကျွန်တော် ...
ဟာ ဘယ်ကအစပြုခဲ့သလဲလို့ ကိုယ့်မျက်နှာပေါ် ကိုယ်
မတ်တပ်ရပ်ပြီး ကိုယ့်ကိုယ်ကို ငုံ့ကြည့်လိုက်ချင်တယ် ။
ခပ်ဝေးဝေးဆီက အိပ်တန်းငှက်တို့ အတောင်ပံရိုက်ခတ်
သံတွေ ဆည်းဆာထဲပျို့အက်ကျနေတယ် ။
၂ ။ ထုံးစံတွေနဲ့ မိုးချုပ်သွားတဲ့ညပဲ ။ ဓာတ်ပြားဟောင်း
တစ်ချပ်ထဲက ပြေးထွက်လာတဲ့ တေးသွားလို အချိန်ကို
ပျင်းရိလေးတွဲစေတယ် ။ ပန်းတွေအနှေးပြကွက်နဲ့ ပွင့်
နေပုံ ၊ နာရီလက်တံတွေ ဖြည်းညင်းရွေ့လျားနေပုံတွေ
ဟာ အရာရာဆိတ်သုဉ်းနေတဲ့ ကျွန်တော့်အဖို့တော့
ခြောက်ခြားစေတယ် ။ ဓာတ်တိုင်မီးရောင်အောက်မှာ
လမ်းတွေ သေဆုံးနေပြီး ၊ တိတ်ဆိတ်မှုဟာ အသက်ရှု
နေပေါ့ ။ တခါတခါ ဘယ်အကြောင်းအရာကြောင့်မှန်း
မသိလန့်ပျံတဲ့ ငှက်ဆိုးသံတွေကလွဲလို့ လေတိုးသံက
လေးတောင် ပျောက်ဆုံးနေတဲ့ညပါပဲ ။ ပူနွေးရှိန်းမြတဲ့
ထွက်သက်တွေပျောက်ဆုံးသွားရင် ဘယ်လောက်များ
ကောင်းလိုက်မလဲလို့ တခါတခါမိုက်မဲစွာ စဉ်းစား
တွေးခေါ်ဖူးတယ်။ ဟင့်အင်း ... ရှုံးနိမ့်မှု ၊ အဲဒီ ရှုံးနိမ့်
မှုနယ်ကလွဲရင် ကျွန်တော့်မှာပြေးစရာမြေမရှိဘူးလို့ပဲ
ကျွန်တော်သိထားတယ်။ ဘာကြောင့်လဲဆိုတော့ ...
ဟောဒီထုံးစံညတွေလို အကြိမ်ကြိမ်မှောင်မိုက်နေခဲ့ဖူး
လို့ပါပဲ ။ ကိုယ့်မျက်နှာပေါ် ရှက်သွေးတက်ဖြာခဲ့ဖူးတဲ့
လပြည့်ညလေးတွေကို လွမ်းရင်း ... ။
၃ ။ မနက်ဖြန်ခါမှာ ဘာတွေဆက်ဖြစ်မလဲ။ မနက်ဖြန်
ခါမှာဘာတွေဆက်ဖြစ်မလဲများစွာက နံနက်ခင်းပေါင်း
များစွာကို ခေါင်းခဲစေတယ်။ ရွှေအိုရောင်တခေတ်လုံး
ပြုတ်ကျနေတဲ့ နံနက်ခင်းပေါင်းများစွာ ကျွန်တော့်မှာရှိ
ခဲ့ဖူးတယ်ဆိုရင် အခုဘယ်သူမှယုံကြည်မှာမဟုတ်ပါ
ဘူး။ ကော်ဖီခွက်များစွာ မှောက်ကျခဲ့တယ် ...။ ပန်းအိုး
တွေကျကွဲခဲ့တယ်။ အိမ်မက်ထဲမှာ တကယ်ဖြစ်ပျက်ခဲ့
တဲ့ကိစ္စများစွာ ကျွန်တော့်မှာရှိခဲ့ဖူးရဲ့။ အရာအားလုံးပြီး
ဆုံးသွားပြီဆိုပေမယ့် အခုမှအစပြုတယ်လို့ အသေအ
ချာလက်ခံလိုက်ရခြင်းကနေ ကျွန်တော့်ဘဝအစပြုခဲ့
တယ်လို့ ပထမဆုံးအကြိမ်အဖြစ် တူးဖော်တွေ့ရှိခဲ့ပါ
တယ်။
၎ ။ ခုလိုနွေဦးပေါက်ရာသီရဲ့ စွယ်တော်ပန်းရနံ့တွေ...
ချိုအီမွှေးရှတဲ့နေ့လည်ခင်းတစ်ခုမှာ ကျွန်တော်အသက်
ရှုနေရတဲ့အကြောင်းအရာကိုတွေ့ရှိခဲ့တယ်။ ဒုက္ခသစ္စာ
လို့ ရက်ပေါင်းတစ်ထောင်ကျော်နောက်ကျပြီးမှ အခုလို
သိရရင် ကျွန်တော့်အကြည့်တွေကို အဲဒီအချိန်ကတည်း
က လွှဲဖယ်ပစ်မိကောင်းပစ်မိပါလိမ့်မယ်။ ဟုတ်ပါတယ်
ကျွန်တော် အဲဒီအချိန်ကတည်းက ကြည်ဖြူစွာကျဆုံးနေ
တာပါ ။ " ဓားချင်းယှဉ်ခုတ်ရင်တောင် ၊ သမုဒယအစုတ်
နဲ့ အားယုတ်နေတဲ့ သူရဲကောင်းပါ " လို့ ကျွန်တော်ရေး
ခဲ့ဖူးတယ် ။ သူမကလွဲရင် အလုံးစုံကန်းနေတဲ့ကောင်ပါ
ပဲ။ သူမကတော့ သူမမျက်ဝန်းအစုံရှေ့မှာ တဖျပ်ဖျပ်လူး
လွန့်နေတဲ့ ကျုံးရေပြင်ကလွဲရင် အလုံးစုံကန်းနေပုံရပါ
တယ်။ ဘေးက ကျွန်တော်ငေးကြည့်နေတာကိုတောင်
မှ မသိပါဘူး။ သူမဘယ်သူလဲ ။ ယုဇနမခင်ပျို လား ၊
ကျွန်တော်နှင့်မြူနှင်းဝေသောညများထဲက ဗုဒ္ဓဟူးနံနဲ့စ
တယ်ဆိုတဲ့ မသီတာ လား၊ ဒါမှမဟုတ် ချစ်ခြင်း၏
နဂ္ဂတစ်များထဲက မကြည်ပြာ လား ၊ သူမမှာ နာမည်
တစ်ခုခုတော့ ရှိကောင်းရှိမှာပါ ။ ကျွန်တော်ကတော့
" သစ္စာ " လို့သာ တစ်ဖက်သတ်ပညတ်ခဲ့ပါတယ် ။
ကျွန်တော့်ကို ခွင့်ပြုပါ၊ ဒါမှမဟုတ် ခွင့်လွှတ်ပါ သစ္စာ ။
ဘာပဲဖြစ်ဖြစ် ကျွန်တော့်အတွက်တော့ သစ္စာ သည်
သာ ဒုက္ခသစ္စာ သို့မဟုတ် သမုဒယသစ္စာ ရယ်ပါ ။
၅ ။ အဲဒီနေ့ကစပြီး ခရမ်းရောင်သစ္စာပန်းတွေ ဈေး
ကဝယ်ပြီး ကျွန်တော်ဘုရားတင်လေ့ရှိတယ်။ ဆုများ
စွာလည်း တောင်းဖြစ်ခဲ့တယ်။ ကိုယ့်အတွက်ကို
တောင်မှ ဆုမတောင်းခဲ့ဖူးတဲ့ကောင်က သူမနဲ့ တခါ
လောက်ပြန်ဆုံတွေ့ချင်ကြောင်းတွေနဲ့ပေါ့။ နန်းရှေ့
ကို နေ့တိုင်းရောက်ဖြစ်တယ်။ သူမရှိနိုင်မယ်ထင်တဲ့
နေရာမှန်သမျှ ကျွန်တော့်ခြေရာချင်းထပ်မိတယ်လေ။
တခါမြင်ဖူးရုံနဲ့ သတိရကြောင်းတွေထည့်ပိတ်ခံထား
ရတဲ့ စာအိတ်ပြာလေးဟာ ကျွန်တော်ပါ ။ အကယ်၍
များ သူမနန်းရှေ့များရောက်မိလို့ နွေဦးလေပြေတွေ
တသုန်သုန်တိုက်ခတ်နေပြီဆိုရင် ၊ ရွက်ဝါလေးတွေ
မြေပေါ်ရှပ်ပြေးနေပြီဆိုရင် ၊ ရေလှိုင်းခတ်သံလေး
တွေ တချက်ချင်းကြားနေရပြီဆိုရင် သူမကို လွမ်းနေ
ပြီဖြစ်ကြောင်း သိစေချင်တယ်။ လူတိုင်းဟာ တစ်
နည်းနည်းနဲ့ ရူးသွပ်နေကြသူချည်းပါပဲ ။ ဒါပေမယ့် ၊
ကျွန်တော်ကတော့ သူမနဲ့ပတ်သက်ရင် နည်းလမ်း
ပေါင်းများစွာနဲ့ ရူးသွပ်လိုက်ချင်တယ်။ ဆောင်းမကုန်
နွေမပီသသေးတဲ့ ရာသီဦးလေးလို .... ။
" ထို့ကြောင့် သင့်ကိုကြိုဆိုအံ့သောငှာ ငါထွက်လာ
ပြီ ၊ သင့်မျက်နှာကို ကြိုးစားရှာ၍ တွေ့ပြီ ... "
- (သုတ္တံ ၊ ၇ : ၁၅)
၆ ။ အေးစက်တောင့်တင်းတဲ့ အကြည့်တွေရှေ့မှာ
ကျွန်တော်မတ်တပ်ရပ်နေမိပါတယ်။ ထုံးစံအတိုင်း
နန်းရှေ့မှာပါပဲ။ ဇာတ်လမ်းထဲမှာလို မင်းသမီးခေါင်း
ပေါ်က ကံ့ကော်ပန်းလေးပြုတ်ကျသွားလို့ မင်းသား
က ကောက်ယူပြီးလှမ်းခေါ်ပေးတာ ၊ မင်းသမီးဆီ
က ပဝါဖြူဖြူလေးလွင့်ကျလာလို့ မင်းသားက မြေပေါ်
ကကောက်ပြီး ပြန်သွားပေးတာ ၊ မတော်တဆ
မင်းသမီးခလုတ်တိုက်ပြီး လဲကျမလိုဖြစ်သွားစဉ်မှာ
မင်းသားက ဘေးကနေလှမ်းထိန်းပေးခွင့်ကြုံလိုက်
တာမျိုးတွေတော့ မဟုတ်ပါဘူး ။ အဲဒီလိုအခွင့်ရရင်
တော့ ကျွန်တော်သိပ်ပျော်မိမှာပေါ့ ။ ကျွန်တော့်မှာ
ကံဆိုးစွာ အဲဒီအခွင့်တွေမကြုံကြိုက်ခဲ့ရပါဘူးလေ။
အခုက သူမကို ကျွန်တော်ငေးမောနေစဉ်မှာ သူမ
သိသွားတာပါ ။ ဘယ်လောက်ကြာခဲ့မှန်းတောင်မှ
ကျွန်တော် သတိမထားမိလောက်အောင်အထိပေါ့။
အခုလို သိသွားတော့လည်း ကျွန်တော် ရှက်ကိုး
ရှက်ကန်လုပ်နေရမှာလား ၊ အဟင်း လို့ ရှက်ရယ်
ရယ်ပြီး တဖက်လှည့်ထွက်သွားရမှာလား မသိပါ
ဘူး ။ သူမရဲ့ အေးစက်တောင့်တောင်းတဲ့အကြည့်
တွေအောက်မှာပဲ အေးခဲစွာရပ်နေရပါတယ်။ သူမ
ကျွန်တော့်ကို သတိထားမိပြီလား ။ ကျွန်တော်က
တော့ အဲဒီအကြည့်တွေကို သိမ်းဆည်းထားမိပါ
ပြီ ။
၇ ။ အချိန်ကာလယန္တရားက သစ်ရွက်ဟောင်းများပေါ်
နင်းဖြတ် လည်ပတ်နေကြ ။ အစိမ်းရင့်ရင့်မှ ဝါကျင်တဲ့
အထိ အာခံနေလိုက်ကြပုံ ။ သင်္ခါရတရားကလွဲလို့
အရာအားလုံးပြောင်းလဲနေကြပုံ ။ နွေထဲမှာ...။ စောင့်
စားလွမ်းမောရခြင်း နွေထဲမှာ ။ အသံတိတ်ရုပ်ရှင်တစ်
ကားကို နွေကဖွင့်ပြလို့ ...။ သူမက နန်းရှေ့ကို မှန်မှန်
ရောက်ရှိနေဆဲ ။ ကျုံးရေပြင်ကိုတွေဝေငေးမောနေဆဲ
ပါ။ ဘာကြောင့်မှန်းမသိပေမယ့် ဘာကြောင့်မှန်းမသိ
ချင်ခဲ့ပါဘူး ။ အရာရာ သဘာဝအတိုင်းသာရှိပါစေ ...။
ပြောင်းလဲတိုင်း မကောင်းဘူးဆိုတာ ရွက်ဝါလေးတွေ
သိပါတယ်။ ခရေတန်းလေးသိပါတယ် ။ ဖြူမွေ့နုညံတဲ့
သူ့မျက်နှာမြင်နေခွင့်ကလေးသာ နေ့တိုင်းရနေရရင်
ပြည့်စုံပါပြီလို့ နှလုံးသားက သိနေပါတယ်။ အချစ်ဆို
တာ ဘာလဲသိဖို့က ကျွန်တော့်ကိစ္စမဟုတ်ပါဘူး။ ဒါ
နှလုံးသားရေးရာပါ။ ကျွန်တော်ဘုရားတင်နေကျဖြစ်
တဲ့ ခရမ်းရောင်သစ္စာပန်းတွေရဲ့ ကိုယ်ရေးကိုယ်တာ
ရယ်ပါ။ ကျွန်တော်ကတော့ ချစ်တာကို ချစ်တယ်လို့
သိဖို့ပဲ လိုအပ်တာမဟုတ်လား။ ကျွန်တော်ကြောက်
ရွံ့တာက နေဝင်စောမှာရယ် ၊ နွေနှောင်းသွားမှာ
ရယ် ၊ ခရမ်းရောင်သစ္စာပန်းတွေတုံးသွားမှာရယ် ၊
အချစ်မခံလိုက်ရခင် မုန်းသွားမှာရယ်ပေါ့ ။ ဒါပါပဲ ။
၈ ။ နန်းရှေ့ခရေတန်းဟာ အလွမ်းဆိုင်ပဲ ။ အမြဲလို
လို လွမ်းရခြင်းတွေ ဘယ်ဘက်ရင်အုံပေါ်က အိတ်
ကပ်လေးထဲ ထည့်ပေးတတ်တယ်။ ဒါတင်ပဲလား ။
မဟုတ်ပါဘူး ။ အဲဒီနေ့က နံ့သာရောင်အဆင်နဲ့လာ
ခဲ့တဲ့နေ့ကပါ ။ ရက်နေ့တွေကုန်လွန်လာတာနဲ့အမျှ
သူမ ဘာအရောင်ကြိုက်တတ်တာကအစ ဘယ်လို
ဖိနပ်ကိုမှသူစီးတတ်တာမျိုးအထိ ကျွန်တော်သိနေခဲ့
ပါပြီ ။ သူမဘယ်မှာနေတယ် သူမဘယ်သူဘယ်ဝါ
ဖြစ်တယ်ဆိုတာက လွဲလို့ပေါ့ ။ ကျွန်တော်ကြိုးစား
မှာ မဟုတ်ပါဘူး။ ကျွန်တော်က မထိုက်တန်သူပါ။
ကျွန်တော့်အကြောင်းတွေ ချရေးထားတာ မှတ်စု
စာအုပ်ထဲမှာအများကြီးပဲ ၊ နောက် သစ္စာ ဆိုတဲ့
အမည်နာမလေးတစ်လုံးတိုးလာတယ်။ ကျွန်တော့်
ရင်ထဲမွန်းကြပ်နေတယ်။ သူမရပ်ခဲ့ဖူးတဲ့နေရာကို
ကျွန်တော်သွားတယ်။ သံချွန်လေးထက်မှာ သူမ
တစ်စုံတစ်ခုချိတ်ဆွဲထားခဲ့တယ်။ ဖန်ပုလင်းသေး
သေးလေးတစ်လုံးကို အပြာရောင်ချည်ကြိုးကလေး
ကလေးနဲ့ဆွဲထားခဲ့တာပါ။ အထဲမှာ ရွှေမှုန် ငွေမှုန်
ကလေးတွေ တလဲ့လဲ့ဝင်းတောက်နေတယ် ။
အထဲမှာ တဝက်ခေါက်ထည့်ထားတဲ့ အဝါရောင်
သမ်းစ စွယ်တော်ရွက်ကလေးတစ်ရွက် နဲ့အတူ ဖြူ
လွှလွှ စာရွက်ခေါက်လေးတစ်ခု ...။
၉ ။ ညကို ဓမ္မနဲ့ အဓမ္မက လွန်ဆွဲနေတယ်။ အမှောင်
ဟာ ကြောင်တစ်ကောင် စန္ဒရားခလုတ်တွေပေါ်ကို
ဖြတ်ပြေးသွားသလိုမျိုး ချဉ်းနင်းဝင်ရောက်လာတယ်။
ဖယောင်တိုင်မီးရောင်ဟာ စိတ်ရဲ့အခြေအနေ ၊ ဘဝ
ရဲ့အခြေအနေကို ထင်ဟပ်လောင်မြိုက်လို့ ။ မီးရောင်
ရှေ့မှာ ကျွန်တော့်ဆန္ဒကိုညှို့စားနေတဲ့ ဖန်ပုလင်း
ငယ်တစ်လုံး ။ ကျွန်တော့်သိလိုမှုကို စီးချင်းထိုးနေပြီ။
ချိုးဖောက်မှာလား ၊ စောင့်ထိန်းမှာလားဆိုတဲ့ ကိုယ်
ကျင့်တရားကိုလည်း စမ်းသပ်နေပြီ။ ဖယောင်းတိုင်
မီးကိုပဲ ကျွန်တော်မှုတ်ငြှိမ်းဖြစ်ခဲ့တယ်။ သက်ငယ်အ
မိုးက ယိုကျလာတဲ့ကြယ်ရောင်တွေက လှလိုက်တာ။
ကျွန်တော့်ဘဝမှာ ခုလိုအပြစ်ကင်းကင်းလှပတဲ့ ည
တွေ များများစားစားရှိမနေခဲ့ဖူးပါဘူး။ ကြယ်ရောင်
တွေက ဘုရားတင်ထားတဲ့ ခရမ်းရောင်သစ္စာပန်းခက်
တွေပေါ်အထိ စီးကျနေတယ်။ မဆီမဆိုင် သတိရပိုင်
ခွင့်ကလေးထဲ ကျွန်တော်ခုန်ချဖို့ ဘယ်လောက်သတ္တိ
မွေးခဲ့ရတယ်မှတ်လဲ။ သစ္စာကို ကျွန်တော်ပြောပြချင်
တဲ့အကြောင်းတွေဟာ ဟောဒီ သမုဒယညများထဲက
ကြယ်လဲ့ညတွေပါ။ တစ်ထောင့်တစ်ညကြာခဲ့ပြီနော်။
ကျွန်တော်ရရှိခဲ့တဲ့အရာကတော့ စွယ်တော်ရွက်က
လေးရဲ့ဖန်ပုလင်းလေးတစ်လုံးရယ် ၊ ဘယ်သူ့မှဝေ
မျှမပေးဖူးတဲ့ လွမ်းရချိန်တွေရယ် ၊ ဘယ်လိုမှမေ့မရ
တဲ့ ၆၆ လမ်းပေါ်က နေ့စဉ်ရက်ဆက် မျက်နှာကလေး
ရယ် ၊ ဒါပါပဲ။ တနေ့တော့ တခုခုတွေရှိလာဦးမှာပါ ၊
လို့ မမျှော်လင့်ရဲစွာ မျှော်လင့်ရတာပါပဲ ။ အဲဒီနောက်
မှာတော့ နေရာမှာမရှိတော့တဲ့ စွယ်တော်ပုလင်းလေး
ကို သူမနှမြောတသနေပုံမရတော့ပါဘူး။ အင်းလေ
ထားရစ်ခဲ့တာပဲ ... ။
၁၀ ။ " ထိုအရပ်၌ သင်္ချိုင်းသားရှိကြောင်း၊ ထိုမိန်းမ၏
ဧည့်သည်တို့သည် မရဏာနိုင်ငံအနက်ဆုံး၌ နေထိုင်
ကြောင်းကို ထိုယောက်ျားသည် မသိ မမှတ် "
- ( သုတ္တံ ၊ ၉ : ၁၈ )
ကျွန်တော့် သမုဒယသစ္စာက ခရေပင်အောက်မှာရပ်
နေတယ်။ ဒုက္ခသစ္စာ ကျွန်တော်ကတော့ ခပ်လှမ်း
လှမ်းကနေပဲပေါ့။ သူမ ဘာတွေတွေးနေသလဲ ... ။
ဟင်္သာပြဒါးရောင်နံရံကို လွန်မြောက်ပြီးတော့ သူမ
အကြည့်တွေထဲမှာ ဘာတွေများရှိနေသလဲ။ ဒီနေ့
တော့ ခါတိုင်းနေ့တွေလို သူမမျက်နှာလေးညှိုးလျမ
နေပါဘဲ လန်းဆန်းနေပါတယ်။ သြော် ... ကျွန်တော်
ပျော်ရပေါ့ ။ နွေဦးလေပြေညင်းက သူမနဖူးပေါ်က
ဆံနွယ်ခက်တွေကို တိုးသက်နေတယ်။ နွေဦးမှာ
အရောင် ၊ ရနံ့ ၊ အရသာ အားလုံးရှိနေတယ်။ သူမ
ကို ကျွန်တော်ငေးနေဆဲ ၊ သူမကလည်း တစုံတရာ
တွေဆီငေးနေဆဲ။ ငေးမောရာတွေမတူညီသလိုပဲ
တွေးတောရာတွေလည်း မတူညီကြပါဘူး ။ အင်း
သူမ စိတ်ထဲဝင်ကြည့်လို့ရရင် ဘယ်လောက်များ
ကောင်းမလဲလို့ပါ။ သုံးနှစ်နီးပါး ကြာခဲ့ပေမယ့် အ
ရာရာ အရင်အတိုင်းပါပဲ။ စွယ်တော်ရွက်နဲ့ ဖန်
ပုလင်းငယ်လေးကအစ သူမမျက်နှာ တည်ကြည်
ရင့်ကျက်နေပုံအဆုံး အရင်အတိုင်းပါပဲ။ အင်း ....
ကျွန်တော်သာ ပြောင်းလဲနေတာ။ အချစ်ဟာ ချစ်
သည်ထက်ချစ်လာတာနဲ့အမျှ မြတ်နိုးခြင်းအဆင့်
ကို ကူးပြောင်းလာတာ။ ကျွန်တော်မြတ်နိုးရတဲ့
ကဗျာတွေကို မြတ်နိုးသလိုမြတ်နိုးမိတာ။ ကဗျာရဲ့
သစ္စာတရားကိုမြတ်နိုးသလို သစ္စာကိုချစ်ခင်မြတ်
နိုးတာ။ မျှော်လင့်ချက်မပါ ၊ ရပိုင်ခွင့်မပါ ၊ ရမ္မက်မ
ပါတဲ့ အဖြူစင်ဆုံးကျဆုံးမှု ။ အဲဒီ ကျဆုံးမှုထဲမှာမှ
ခုလိုတဒင်္ဂတွေနဲ့ ကျေနပ်ကြည်နူးနေရတဲ့အောင်
မြင်မှုတွေကို ဘာနဲ့မှလဲယူလို့မရပါဘူး။ အဝေးက
မြို့မငြိမ်းရဲ့ သစ္စာသီချင်းသံ လွင့်ပျံ့လာတယ်။
၁၁ ။ မကြာမီ နေဝင်တော့မယ် ။ သူမ ရှိနေဆဲ ... ။
ကြည်လင်နုညံ့နေတဲ့မျက်နှာကလွဲရင် ကျောက်ရုပ်
လို မတုန်မလှုပ်ရပ်နေဆဲ။ ဒီပုံသဏ္ဍာန်က ကာလ
များစွာ ကြာခဲ့ပါပြီ။ မကြာမီ လူငယ်တစ်ယောက်
သူမနံဘေးကိုရောက်လာတယ်။ တစ်ယောက်ကို
တစ်ယောက် အကြာကြီးငေးရီနေကြတယ်။ ဘာ
တွေလဲ ... ။ တစ်ယောက်နဲ့တစ်ယောက် လက်ကို
ဆုပ်ပြီး စကားတွေပြောနေကြတယ် ။ ဘာတွေလဲ။
ကျွန်တော် တုန်လှုပ်ခြောက်ခြားနေတယ်။ ဘာလို့
လဲ။ ပြီးတော့ ... ။ ပြီးတော့ တစ်ယောက်လက်ကို
တစ်ယောက်တွဲရင်း သူတို့ထွက်ခွာသွားကြတယ်။
ဘယ်အထိလဲ။ ပြန်လာမှာလား ။ ပြန်မလာတော့
ဘူးလား။ ထိုလူငယ်ဟာ ဒီနေရာမှာသူမရှိနေရခြင်း
ရဲ့ အကြောင်းအရာလား။ စောင့်စားသူက သူမ
လား ၊ ကျွန်တော်လား ။ ဒါမှမဟုတ် ထိုလူငယ်များ
လား။ ဒါပေမယ့် ကျန်ခဲ့သူကတော့ ကျွန်တော်ပါ ။
ကြေကွဲမှုဟာ ပုဇွန်ဆီရောင်တောက်လျက်ရှိတယ်။
ရေလှိုင်းခတ်သံ ၊ သစ်ရွက်ကြွေသံ ၊ ရင်ခုန်သံ
သို့မဟုတ် နှလုံးတုန်သံ ၊ ဘယ်ဆီဘယ်ဝယ်ကမှန်း
မသိလွင့်ပျံ့လာတဲ့ မြို့မငြိမ်းရဲ့ သစ္စာသီချင်းသံ ။
၁၂ ။
ထိုနေရာမှာ ... သမုဒယသစ္စာမရှိတော့ ၊ ကျွန်တော်
မရှိတော့ ၊ ဒုက္ခသစ္စာမရှိတော့ပေမယ့် ဘုရားစင်မှာ
ခရမ်းရောင်သစ္စာပန်းတွေရှိနေဆဲ။ နွေဦးညနေခင်း
များမှာ အတိတ်ဟာ အရိပ်သဖွယ် ရှိနေဆဲ။ ရှိနေဦး
မယ်။ ကာလတစ်ခုအထိ သို့မဟုတ် ကာလတစ်ခု
အလွန်ထိပေ့ါ ။ အရင်ကလို အခုလည်းတစ်ယောက်
တည်းပေမယ့် ဘာကြောင့်များ ဝင်သက်တိုင်းဟာ
ကြေကွဲစရာကောင်းနေခဲ့ပါလိမ့် ။ တစ်ယောက်တည်း
ပေမယ့် နှစ်ယောက်လိုခံစားခဲ့ရတဲ့ နေ့တွေကို ဘာ
လို့များ ဆာလောင်မွတ်သိပ်မိပါလိမ့် ။ ကောင်းကင်
ကို နှစ်ယောက်စာငေးတယ် ။ ခိုတွေကိုလည်း နှစ်
ယောက်စာကျွေးတယ် ။ တစ်ယောက်တည်းပေမယ့်
ရုပ်တခြား ၊ နာမ်တခြား ။
မင်းခသူ
၂၁.၂.၁၇
