ဆိတ်ကွယ်ရာအရပ်မှ
ဆိတ်ကွယ်ရာအရပ်က မင်းကိုငါချစ်တယ် ။
အိပ်ခန်းတစ်ခုလုံး မင်းအသံတွေပြည့်ကာ
မိုးရာသီကြီးတစ်ခုလုံး ရိုက်ခွဲချလိုက်သလို
ရေဒီယိုခလုတ်ပိတ်သလိုလည်း ပိတ်မရ ...
အင်္ကျီတွေလိုလည်း ကြယ်သီးဖြုတ်မရ ...
အရိပ်တွေက ဥပစ္ဆေဒကံလို
အရောင်တွေက အလုံးစုံကန်းသွားသလို
အရသာမရှိတဲ့ဘဝကြီးဟာ တိတ်ဆိတ်နေတယ် ။
ဆိတ်ကွယ်ရာအရပ်မှ
ဆိတ်ကွယ်ရာအရပ်က မင်းကိုငါချစ်တယ် ။
ဆောက်တည်ရာမရ စန္ဒရားတစ်လုံးပေါ်
ကြောင်တွေအော်ပြီးလိုက်၊ ကြွက်တွေအော်ပြီးပြေး
ကီးချော်နေတဲ့တေးတွေ ယိုစိမ့်ကာ
ဒီလူရဲ့သောကအဝါကို နှစ်သိမ့်သတဲ့
ကြွက်တွေအော်ပြီးပြေး၊ ကြောင်တွေအော်ပြီးလိုက်
Jerry နဲ့ Tom ရဲ့ အခိုက်အတန့်ကလေးတွေ
တီဗီဖန်သားပြင်ပေါ်မှာ ၊ မင်းနဲ့ငါရဲ့ အတိတ်မှာ
ခုဆို ...
Tom ရဲ့ဘဝထဲက Jerry လေးထွက်သွားတာ ကြာပြီ ။
ဆိတ်ကွယ်ရာအရပ်မှ
ဆိတ်ကွယ်ရာအရပ်က မင်းကိုငါချစ်တယ် ။
တစ်ဘဝလုံးဖွင့်ထားမယ့် အလွမ်းဆိုင်ကလေး
မိုးတွေရွာတဲ့အခါ ၊ နှင်းတွေကျတဲ့အခါ
ရွက်သစ်တွေ ဝေလို့ ၊ သစ်ရွက်တွေကြွေတဲ့အခါ
တစ်ဘဝလုံးဖွင့်ထားမယ့် အလွမ်းဆိုင်ကလေးဟာ
စားသုံးသူမဲ့စွာ တိတ်ဆိတ်ရီဝေနေလိမ့်ဦးမယ်
ကော်ဖီတွေဖျော်ထားတယ် ၊ ကော်ဖီတွေအေး
ပန်းစည်းကလေးပြင်ထားတယ် ၊ ပန်းပွင့်တွေနွမ်း
ဂစ်တာကြိုးညှိထားတယ် ၊ ဂစ်တာကြိုးတွေပျက်စီး
ကဗျာစာအုပ်လေးဖွင့်ထားတယ် ၊ ကဗျာတွေ သေဆုံး
အိပ်ရာလေးခင်းထားတယ် ၊ အိပ်ရာလေးတွန့်ကြေ
တွန့်ကြေနေတဲ့အိပ်ရာဘေးမှာ
တွန့်ကြေနေတဲ့ အလွမ်းတွေနဲ့
တွန့်ကြေနေတဲ့ နှုတ်ခမ်းတွေနဲ့
နှုတ်ခမ်းတွေ ပြာနှမ်းသွားတဲ့အထိ
မင်းနာမည်ကို ခေါ်မိတယ် .... ငါဟာ
ဆိတ်သုဉ်းခြင်းပေါင်းစုံနဲ့ ဆိတ်သုဉ်းနေရဲ့ ။
အဲဒီလို ဆိတ်ကွယ်ရာအရပ်မှ
ဆိတ်ကွယ်ရာအရပ်က မင်းကိုငါချစ်တယ် ။
အဲဒီလို ဆိတ်ကွယ်ရာအရပ်မှ
ဆိတ်ကွယ်ရာအရပ်က မင်းကိုငါချစ်မယ် ။
K သူ
