နံနက်ခင်းကို မျက်နှာသစ်ထားပေမယ့်
နှလုံးသားအဟောင်းကြီးနဲ့ ပြန်တွေ့ရတော့
တစ်ယောက်နဲ့ တစ်ယောက်ဟာ
ကျောချင်းကပ်ထားသလို မမှတ်မိကြ
တစ်ယောက်နဲ့ တစ်ယောက်ဟာ
အင်္ကျီအသစ်တွေနဲ့ ဖိနပ်အသစ်တွေနဲ့
လွယ်အိတ်အသစ်တွေနဲ့ စာအုပ်အသစ်တွေနဲ့
တစ်ယောက်က သနပ်ခါးအသစ်နဲ့
တစ်ယောက်က မျက်ဝန်းအဟောင်းနဲ့
တစ်ယောက်နဲ့ တစ်ယောက်
ပခုံးချင်းမတိုက်မိကြ
တစ်ယောက်နဲ့ တစ်ယောက်
ကံဆုံပေမယ့် ၊ မကြုံတွေ့ကြ
တစ်ယောက်နဲ့ တစ်ယောက်မိတ်ဆက်ဖို့မလို
ဒါပေမယ့် တစ်ယောက်နဲ့ တစ်ယောက်မသိ
ဟိုယခင် တစ်ယောက်ဘဝထဲမှာ
တစ်ယောက်ရှိခဲ့ကြဖူးတာ
အခုလို တစ်ယောက်ဘဝထဲမှာ
တစ်ယောက်မရှိတော့တာ
တစ်ယောက်ချင်းစီဘဝမှာ
တစ်ယောက်ယောက်ရှိလာတာနဲ့
တစ်ယောက်ကို တစ်ယောက်
ပျောက်ဆုံးခဲ့ကြတာ ...
တစ်ယောက်နဲ့တစ်ယောက်ဟာ
ယောက်ယက်ခတ်နေတဲ့ တိမ်တွေလို
အကြည့်ချင်းတိုက်မိသော်လည်း
တစ်ယောက်လမ်း တစ်ယောက်စီလွင့်လို့
တစ်ယောက်စိတ်မှာ တစ်ယောက်ဝေးသွားတဲ့
ကမ္ဘာ ... ။
K သူ
