မသိစိတ်ကို ကုတ်ခြစ်နေ
မေ့ပြီထင်ထားသော မျက်ဝန်းများ
မှောင်ပြီထင်ထားသော အရုဏ်ဦးများ
မှန်တယ်ထင်ထားသော အမှားများ
အံကိုတင်းတင်းကြိတ်လိုက်စဉ် နာကျင်လာ
တစ်ညလုံးကြယ်တွေ ကြွေခဲ့သလိုလို ။
ကြောင်တစ်ကောင်လို လွတ်လပ်ပေါ့ပါးစွာ
ကြောက်ခမန်းလိလိလှပတဲ့ အိမ်မက်တွေပေါ်က
ဝဋ်ကြွေးတွေအားလုံး အားလုံးကြယ်သီးဖြုတ်ပြီး
ခုန်ဆင်းချင်သောအချိန်တိုင်း မမကိုမေ့လိုတယ် ။
သစ်ရွက်ကြွေတယ် ၊ မိုးရွာတယ် ၊ နှင်းကျတယ်
ရထားတစ်စင်းလုံး ချုံးပွဲချငိုသံတွေနဲ့ပြည့်နေရင်
ရောက်ရာအရပ်က မမကိုလွမ်းတယ် ၊ သံသရာ
ဥသြသံတွေ ဆူညံသော ။
လူတစ်ယောက်လုံး ကြွင်းကျန်ခဲ့တဲ့
သင်္ချာပုစ္ဆာဟာ ကျွန်တော့်အချစ်ရေးဖြစ်တယ်
အမှန်တရားဟာ မမနှုတ်ခမ်းနဲ့ ခြေထောက်မှာ
တည်တယ်
ပွဲတော်တစ်ခုလုံး ပြည်ဖုံးကားချလို့မရတဲ့အခါ
ဂစ်တာကြိုးတွေအကုန်ဖြတ်တောက်ပစ်လိုက်တယ်
ကဲ - ဘာတတ်နိုင်သေးလဲ - တဲ့ ။
ဘာမှမတတ်နိုင်စွမ်းတဲ့
ကြယ်မဲ့ ... လမဲ့ ကောင်းကင်တစ်ခုလုံး
ဟိုတုန်းကအနမ်းတွေနဲ့ ပြာလွင်နေတယ်
ဆောက်တည်ရာမရတဲ့အခါ မမဟာ တရားဖြစ်ပြီး
တရားစစ်စစ်ကိုရှာတဲ့အခါ မမဟာ ဓားဖြစ်လာတယ်
မမနာမည်ဟာ တနင်္လာနံနဲ့စလို့
တနလာင်္နေ့မှာပဲ ဘုရားကျောင်းသွားတယ်
ကျန်တဲ့အချိန်တွေဟာ တောက်လောင်နေတော့တယ် ။
တိတ်ပါ
တယောကို ကျွန်တော်ချော့ထိုးနေမိတယ်
ကျွန်တော်က တစ်ယောက်တည်းရယ် ....
နှစ်ယောက်တည်းရှိနေမယ့် မမတို့ကို စိတ်ပူတယ်
ဘဝကိုစိတ်နာတိုင်း ဘွန်ဆိုင်းပင်ကလေးတွေစိုက်
အလှမွေးငါးကလေးတွေကို အစာကျွေး
ပျော်ရွှင်မှုဟာ ဘာလဲလို့မေးရင်
သဲမြေပြင်ပေါ်မှာ ရေစက်ကလေးတွေချပြီး ရေးပြမယ် ။
တိမ်တွေ
တစ်ယောက်တည်းလား ၊ မိသားစုလိုက်လား
သေချာတာကတော့ ... သူတို့တွေဟာ
ကောင်းကင်အိမ်မှာ နေနိုင်ကြပါတယ်
လူတွေ လောင်မြိုက်နေပေါ့ ။
မမကြားဖူးသလား
ညီမလေးမမမြင့် တဲ့
ယာမာဂူချီ ခင်ဆွေရီ တဲ့
ဂန္ထဝင်မမ တဲ့
နျူးကလီးယားခေတ်မှာလည်း
ရာဇဓာတုကလျာတွေ မွေးခဲ့တယ် ။
အဲဒါ ကျွန်တော့်မမဆိုပြီး ...
ကြယ်တွေဆီ လက်ညှိုးထိုးပြခဲ့တာ
မသေချာမှုကိုက မမပဲမဟုတ်လား ။
ကျွန်တော် ကဗျာရေးတယ်ဆိုတာဟာ
ကြယ်တွေကို ရေတွက်နေခြင်းတမျိုးပါပဲ
ကံဆိုးသူသွားရာ ...
ကဗျာတွေကလည်း မိုးလိုလိုက်ရွာတယ်
တခါတလေဆို ၊ မိုးခါးရေတွေပါရွာတယ် ။
ကမ္ဘာဦးမိန်းမတစ်ယောက်ကို
နံရိုးနဲ့ စိုက်ပျိုးခဲ့သော လူ ...
ဘဝဆက်တိုင်း ငရဲသစ်ငုတ်ဖြစ်စေ
ကဗျာတစ်ပုဒ် ရွတ်ဆိုမိတဲ့အခါ
ကျွန်တော့်မမ ငြိမ်းချမ်းပါစေ
ကျွန်တော့်မမနဲ့ သူ ... ၊ ငြိမ်းချမ်းပါစေ ။
K သူ
