အလွမ်းနွေကို
စမ်းရေထဲမှာ မျှောခဲ့သောနေ့မှာပင်
ကောင်းကင်သည် ၊ ညို့ဆိုင်းခြင်းဖြင့်
ကျွန်တော့်ရင်အား ဆွဲဖွင့်သွားခဲ့သည် ။
" ထားခဲ့လိုက်ပါ မိသံလွင် "
ကျွန်တော်ကား ... ဖိနပ်တရံပင်မဟုတ်ပါလော ။
မုတ်သုန်တို့၏ လွင်ပြင်မှာ
မျက်နှာငယ်သော ရွက်ကြွေတစနှယ်
ဝဲလည်ဖို့လည်း အသင့်ရှိပါပြီ
ရွှေဝါရောင် မီးလျှံသုတ်ထားသော
မိုးချုပ်ညတို့၏ ကျောင်းတော်မှာလည်း
ပျော်ဖို့ပင် ကျွန်တော်အသင့်ရှိခဲ့ပါပြီ
ခေါင်းလောင်းသံကိုကား ကြားသည်
ခြေကျင်းသံကိုကား ကျွန်တော်မကြား
ထို့အတွက် ...
နေ့စေ့လစေ့ဖြင့် မမွေးနိုင် မဖွားနိုင်သော
ခြောက်ခြားစရာစကားမဲ့ညများစွာလည်း ၊
ကျွန်တော် လဲလျောင်းအိပ်စက်တတ်ပါပြီ ။
" ထားခဲ့လိုက်ပါ မိသံလွင် "
ကျွန်တော်ကား ... အင်္ကျီတထည်ပင်မဟုတ်ပါလော ။
ကြယ်ကလေးဆီ
ငေးရီကြေကွဲနေသော သစ်ပုတ်ပင်သည်
မည်သည့်သောကနှင့် စိမ်းလန်းနေရပါသနည်း ။
နေရောင်ခြည်ဖြင့် အတိပြီးရာနေ့သစ်တို့၌
သူ့မျက်ရည်ကို သူတိုက်ခိုက်နိုင်ပါလိမ့်မည်
ရဲရင့်ခြင်းဖြင့်ထိုးခဲ့သော ပန်းအက္ခရာနှင့် ...
သူ့ကိုယ်သူလည်း ဖွင့်ဖတ်နေဖူးမည်
ကဗျာရေးသော အာဇာနည်သည်
သူရဲကောင်းပီသစွာ ကျရှုံးခဲ့လေပြီ
ကျောက်သားမှတ်တိုင် ၊ အသည်းစိုင်မှာ
ချစ်သူဟူသော အက္ခရာတစ်လုံးသာ ပိုင်ခဲ့၏
မျက်ရည်စမ်းချောင်း ၊ အလွမ်းကျောင်းမှာလည်း
ခေါင်းလောင်းသံတို့သာ တုန်ခါကျန်ရစ်ခဲ့၏
ရင်နင့်တေးချင်း ၊ ပန်းသတင်းသည်လည်း
နှင်းဆီခင်းထဲ၌သာ ပဲ့တင်တိုးသက်ခဲ့ပါ၏ ။
သူရှိမည်ဟု ထင်သောအရပ်မျက်နှာသို့
မျက်နှာမူမိသော ကျွန်တော်သာ ...
လရောင်ကြောင့် ကျွမ်းလောင်ခဲ့ပါသည် ။
မိုး ဟုလည်းကဗျာစပ်ခဲ့သည်
ဆောင်း ဟုလည်းတေးသီတတ်ခဲ့သည်
နွေ ဟုလည်း ကောက်ကြောင်းထပ်ခဲ့သည်
အလွမ်းနွေကို
စမ်းရေမှာမျှောခဲ့သော ပြဿဒါးရက်မှာပင်
ကျွန်တော်ကိုယ်တိုင် မျောသွားသည် ။
ကျွန်တော်ထင်သည်
ချစ်သူသည် နာရီလက်တံဖြစ်မည်ဟု ...
ကျွန်တော်ထင်သည်
ချစ်သူသည် အိပ်တန်းတက်တတ်သော ငှက်ကလေးဟု ...
ကျွန်တော်ထင်သည်
ချစ်သူသည် ကမ္ဘာတည်သောကြယ်ကလေးဟု ...
သိမ်မွေ့စွာမှားယွင်းသောအရာတို့၌
အချစ်သည် ...
သင်္ခါရမဲ့သော အမှားဖြူဖြူလေးဖြစ်သည် ။
ကျောင်းတွေပြန်ဖွင့်နေပြီ မိသံလွင်
စာသင်ခန်းနှင့် ပါးစပ်ရာဇဝင်ထဲမှာ
သမိုင်းတွင်သော မြို့ကလေးအဖြစ်
ကျွန်တော် တ,သ ကျန်ရစ်နေရဦးမည် ။
ကျောင်းတွေပြန်ဖွင့်နေပြီ မိသံလွင်
အလင်္ကာမဲ့သော စာတစ်ကြောင်းအဖြစ်
သင့်နာမည်ကို ရေးခြစ်နေရဦးမည် ။
ဆောင်းနှင်း နှင့် ကျောင်းသီချင်းကြားဝယ်
နှုတ်ခမ်းကိုက်တတ်သော လူငယ်သည် ...
သင့်အမည်ကြားရုံမျှဖြင့် ...
ခါတော်မီအလွမ်းတွေ ပွင့်ပြနေရပေဦးမည် ။
ကျွန်တော်ကို တံတိုင်းခတ်သွားသော
မိ သံ လွင် ...
ကျွန်တော့်ကို ကျူးကျော်ခဲ့သော
မိ သံ လွင် ...
မိ သံ လွင် ကို ကျွန်တော်ချစ်သည် ။
မိ သံ လွင် သည် ကျွန်တော်၏ကင်ဆာဆဲလ်လေးဖြစ်သည် ။
မင်းခသူ
