စန္ဒရားအဖုံးကိုဖွင့်လိုက်ပြီး
အချစ်တော်ကြောင်ကလေးကို တင်လိုက်ပြီ
သူလမ်းလျှောက်ရာကထွက်လာတဲ့ ဂီတဟာ
တစ်ယောက်ယောက်ရဲ့ဘဝကို ပြောပြနိုင်မယ်
တစ်ယောက်ယောက်ရဲ့သီချင်းကို ညီးပေးနိုင်မယ်
တစ်ယောက်ယောက်ရဲ့အနမ်းကို သတိရစေမယ်
မဟုတ်ဘူးဆိုရင်
သူ့ကို ရေချိုးပေးလိုက်မှာဖြစ်တယ်
မျှော်လင့်ထားတဲ့အတိုင်း စံပယ်တွေမပွင့်ကြရင်
ကဗျာစာအုပ်ထဲက စက္ကူတွေဆုတ်ဖြဲကာ
စွန်ကလေးတွေလုပ်မှာဖြစ်ပါတယ်
တကယ်လို့များ ကောင်းကင်ပေါ်မော့ပြီး
နာကျည်းသလောက်အော်ဟစ်ခဲ့ရင်ရော
ပဲ့တင်သံပြန်လာမှာလား
ဖလ်ပုလင်းထဲ စိတ်တွေထည့်မျှောခဲ့သလိုပေါ့
နေရူဒါက ပြောတယ်
ကျုပ်တို့ ကိုယ်တွင်းက သေကြရတယ်
နှလုံးသားထဲမှာ ရေနစ်ကြသလို
အရေခွံက ကျွတ်ထွက်ပြီး
ဝိညာဉ်ထဲကို လိမ့်ကျသလိုပါပဲ - တဲ့
ရင်ထဲမှာ သို့မဟုတ် တနေရာရာမှာ
မိုးခိုနေတဲ့ ငှက်ကလေးတွေရှိနေတယ်
တနေရာရာမှာတော့
မိုးကို ခိုးယူပေါင်းသင်းနေတဲ့
ငှက်ကလေးတွေလည်း ရှိကောင်းရှိမယ်
မတူညီတဲ့အခြေအနေတွေကိုလည်း
ပြက္ခဒိန်မှာကြက်ခြေခတ်ပြီး ဆုတ်ဖြဲလိုက်ပြီဖြစ်တယ်
ကံဆိုးမိုးမှောင်မှုကို ရေမွှေးပုလင်းထဲထည့်ကာ
ဒါမှမဟုတ် သောက်နေကျစီးကရက်ထဲထည့်ကာ
လွမ်းတဲ့ကိစ္စကို ဆွတ်ငင် ရှိုက်သွင်း
ဒီမိုးကရော ... လင်းပါဦးမလား ။
K သူ
