တစ်ယောက်တည်းဆိုတာ သေချာပါတယ် ၊
တခါတလေ ၊ ကိုယ့်ကိုယ်ကို မှန်ထဲကြည့်ပြီး
" မင်း ဘယ်သူလဲ " လို့ မေးမယ်
" ငါ ဘယ်သူဖြစ်ကြောင်း " ပြောမယ် ။
ကိုယ့်ဘဝကိုယ် အဓိပ္ပါယ်ဖွင့်ဆိုရတာဟာ
ကိုယ့်ရင်ဘတ်ကို ဆွဲဖွင့်နေတာနဲ့ အတူတူပါပဲ
နာကျင်တဲ့အခါ ၊
သူ့နာမည်ပေးထားတဲ့ ကြောင်အဝါလေးကို
ကြင်နာမယ် ... ။
ဒီအချိန်ဆို သူကော်ဖီဆာနေရော့မယ်တွေးလို့
စိတ်ပူတဲ့ ရင်ဘတ်မှာ ရေနွေးအိုးတည်မယ် ။
နှစ်ယောက်စာ မုန့်တွေမှာပြီး
ဟိုတုန်းကလို ကိုယ်မစားဘဲနေမယ် ။
အနေမနီးတဲ့အခါ ၊ နီးအောင်တွေးပါ
အရမ်းအေးတဲ့အခါ ၊ နွေးအောင်နေပါ
သူပြောခဲ့သလိုပါပဲ
ကိုယ့်ကံကြမ္မာနဲ့ကိုယ် မှန်အောင်မနေတတ်တဲ့အခါ
လွမ်းဖျားတွေတက်လာတယ်
လွမ်းနာတွေကျလာတယ်
လွမ်းတယ်ဆိုတာ မသေချာတာတွေကို
သေသေချာချာခံစားပြီး ခမ်းနားထည်ဝါနေတာ
ဝေဒနာကို ဝေဒနာလို့မထင်ပဲ ဒေသနာလို့မြင်တာ
တစ်ယောက်တည်း နေထွက်လာတာ
တစ်ယောက်တည်း နေဝင်သွားတာ
တစ်ယောက်တည်း အိပ်ယာနိုးလာတာ
တစ်ယောက်တည်း အိပ်ယာဝင်တာ
တစ်ခုခုမရှိတော့တာနဲ့ အရာအားလုံးရပ်တန့်သွားတဲ့
ယန္တယားတစ်လုံးလိုမျိုး ...
တစ်ကြိုးပြတ်တောက်သွားတာနဲ့ တီးမကောင်းတဲ့
စန္ဒယားတစ်လုံးလိုမျိုး ...
တိတ်ဆိတ်နေတော့တယ်
တခါတလေ
လူ့လောကကြီးနဲ့ ကိုယ်တစ်ယောက်တည်း
သင်းကွဲလာတယ်
မပျော်ရွှင်မှုတွေက နေသားတကျသွားတဲ့အခါ
ပျော်ရွှင်ဖွယ်ကောင်းလာတယ်
ပျော်ချင်ယောင်ဆောင်တတ်လာတယ်
မပျော်တာကို
ပျော်စရာလုပ်ယူရတာ
ပျော်စရာကြီးပါပဲကွယ် ။
K သူ
