*** ကြယ်ကြွေ ဆုတောင်း ***
လွမ်းတယ်...
ကြယ်တွေမြေခ လာမှာ
သိပ်ကြောက်မိပါတယ်...
ခပ်စူးစူးအကြည့်တွေ တမ်းတ
အသိတွေ ပျောက်ရှ ခဲ့လို့
ကောင်မလေးရေ...
ပရိဝေဒမီးတွေ တစ်ဖွဲဖွဲ
သောကတွေလဲ သည်းလို့ပေါ့ ။
စွဲလမ်းခဲ့ဖူးရဲ့
ရူးမိခဲ့တဲ့ မင်းဆံနွယ်မှာ
စံပယ်တွေ ပန်လာတဲ့နေ့က
သံသရာ မေ့လောက်တဲ့အထိ
မင်းကို ငေးကြည့်နေဖူးတယ်
ယစ်မူးမိပါတယ် မိန်းကလေး
ဝန်ခံလိုက်ပါရဲ့....
အဲဒီ...ဒိုင်ယာရီ ထဲမှာ
အဲဒီ...အတွေးထဲမှာ
အဲဒီ...အိမ်မက်ထဲမှာ
တစ်ခါက လို့ဆိုပေမယ့်
မနေ့တစ်နေ့ကလိုပဲ
ရင်ထဲမှာ နေရာယူဆဲ
ပိုင်စိုးမြဲပါ မိန်းကလေး ။
ခပ်စိမ်းစိမ်း အကြည့်တစ်ချက်မှာ
အချစ်တွေ အသက်ပါသွားတဲ့နေ့က
မျက်စာခြွေဝင့် , မုန်းမာန်ဆင့်
ကိုယ် နောက်ဆုတ်ဖို့ အဆင်သင့်ပါပဲ ။
ရင်ခွင်ကိုလာလာ ဖွင့်တတ်တဲ့
အေးစက်စက် မင်းလက်ဖျားတွေ
ကောင်မလေး ရေ...
အခုထိ ခဲ နေဆဲပဲလား...
ကိုယ်နေတတ်ခဲ့ပါပြီ...
မင်းနာမည် ခပ်သဲ့သဲ့ကို
ယဲ့ယဲ့လေး ရှိုက်သွင်းရင်း
အခုထိ မိုက်တွင်းနက်နေဆဲပါ ။
ဒါဟာ ပုံပြင်မဟုတ်ပေမယ့်
ကိုယ့် ဒဏ်ရာတွေမင်းယုံရမယ်
အို... ကောင်မလေး
နောင်တတွေ ဆေးခြယ်ရင်း
နှလုံးသား ကင်းဘတ် ပေါ်မှာ
မင်းပုံလွှာ ဝိုးတဝါးရှိတယ်...
နှင်းပြာပြာအောက်မှာတော့
မင်း , ခြေရာဖွေရှာနေဆဲ
ဝေဒနာတွေ သည်းထန်လို့
ကံစေရာ ကိုယ်မသွားချင်ဘူး
ယဉ်ယဉ်လေးရူး သူမှာတော့
သစ္စာတွေ စူးနေလေရဲ့...
တစ်နွယ် ယှက်လို့
တစ်သက် ပါခဲ့ပြီလေ
တပ်မက် , တွယ်တာ
မာယာ မှော်လမ်း...
ဘယ်ရင်ခွင် မကိုဋ်ပန်းမှာ
မင်းက...
နန်းထိုက်ချင်သေးတာလဲ ။
မောဟိုက်နွမ်းလျ...
အကြွေပန်းဘဝနဲ့ ကိုယ်
မြေခလို့ နင်းချင်နင်း
ဝပ်စင်းနေပေးပါ့မယ်ကွယ်...
သို့ပေမယ့်...
ကြယ်ကြွေတောင်းဆုမှာတော့
ပေါင်း ဖက် ရန် ရွယ်...။ ။
==============================
မင်းခသူ (ကဗျာ Diary)
17 . 6 . 2014 / Tue
