မယ်အလွမ်းဘွဲ့ - အစညီ အချညီ ပိုဒ်စုံရတု

လွမ်းသမျှစိတ် ၊ နွမ်းလျ ရိပ်ခို ၊
တမ်းမှိတ်ပြိုလဲ ၊ တစ်ကိုယ်တည်းတွင် ၊
သည်းဘဝင်မှာ ၊ သူသာထပ်လောင်း ၊
သူ့အကြောင်းတွေ ၊ တွေးဆကြွေလွင့် ၊
ဖြေမရွှင့် ပြီ ၊ ဘယ်ဝယ်ဆီ၌ ၊
ရွယ်ရည်ခိုက်တွင် ၊ မြိုက်လောင်ရင်ထဲ ၊
ကြင်သည်း ဗျာပွေ ၊ နွေကုဋေ သို့ ၊
မျက်ရည်စို့ လာ ၊ အလင်္ကာတေး ၊
ကြင်သာသေးသူ၊ ချစ်မျိုးဟူ ၍ ၊
အယူမေ့ နိုင် ၊ မေတ္တာယိုင်သည် ။
စွေဖြိုင် မျက်ရည် ဝေသို့လော ။ ။

  

ပန်းအလှရိပ် ၊ ခဏမှိတ် လို ၊

အိပ်မက်ပြိုလဲ ၊ ညိုအသည်းနှင့် ၊

လွဲသင့် ကျိန်စာ ၊ သူလိမ်ညာရက် ၊

ကလျာသက်လယ် ၊ အမျက်ပြယ်မှ ၊

တွယ်ရ နိဗ္ဗာန် ၊ စိတ်အကြံ ထဲ ၊

တူပျံဝဲ ချင် ၊ သူခွဲလျင်လည်း ၊

ခင်ခင်နှမ ၊ သူ့လိုကျဟု ၊

ဘဝဖန်ဖန် ၊ နှင်းအပ်ရန်ကို ၊

မုန်းမာန်ဆိုဝင့် ၊ မာယာဆင့်၍ ၊

ခင့်မှာ စိမ်းနိုင် ၊ မာနလှိုင်သည် ။

တွေမှိုင် ခက်ပွေ ဖြေလို့မော ။ ။

နွမ်းဘဝမှိတ် ၊ မျက်ဝန်းရိပ်ညို ၊

အိပ်လိုသော်လဲ ၊ ပျော်လုဆဲတွင် ၊

အမြဲခင်သာ ၊ ဘဝင်မှာပိုင်စိုး ၊

ရိပ်လာမိုးစဉ် ၊ မောင့် ရင်ခုန်တိုင်း ၊

ဆူနာလှိုင်းမျှ ၊ မိုးဦးကျ သို့ ၊

ဘဝစိုပြေ .... ၊ မြင်မြင်လေရာ ၊

ရွှေဝါရောင်လင်း ၊ ထွန်းပဝင်း၏ ၊

နတ်ဆင်းဝေဖြာ ၊ မောင့်ကမ္ဘာတွင် ၊

ကညာနတ် ကြွေ ၊ အုပ်မိုးစေ၍ ၊

တမေ စွဲခိုင် ၊ ချစ်ခြင်းလှိုင်သည် ။

နွေဆိုင် ရွက်တွေ ကြွေလို့စော ။ ။