ဂျူလိုင်ကို မပေးချင်တဲ့စာ [ ၁ ]
ငါ့အသံတွေကို ဆုတ်ဖြဲပြီး လွှင့်ပစ်လိုက်ရင်တောင်
ငါရွတ်ထားတဲ့ကဗျာတွေ မင်းဆီရောက်မှာမဟုတ်တော့ ။
တုန်ရီဖျော့အေး ၊ ဆည်းဆာအောက်ကလက်ဖ၀ါးကလေး
ဘယ်သူ့ဆီမှမပေးချင်တဲ့ ပဋိဝေဒတေးတွေ ရွှဲစိုလို့ပေါ့ ။
_______________________________________________________
ဂျူလိုင်ကို မပေးချင်တဲ့စာ [ ၂ ]
" သူနဲ့တွေ့လေတိုင်း ၊ ဘာကြောင့်များစိတ်အားငယ်
အလိုလို ၀မ်းနည်းလာတယ်ကွယ် .... " လို့
ထိုသီချင်းကိုဆိုဖို့ ...
နှုတ်ခမ်းတွေ ခိုက်ခိုက်တုန်ပြီးမှ ၊ ညီးပြနိုင်လိမ့်မယ် ။
_______________________________________________________
ဂျူလိုင်ကို မပေးချင်တဲ့စာ [ ၃ ]
ကောင်းကင်ဆီမရောက်ခင်
ကွဲသွားတဲ့ မိုးပျံပူဖောင်းကလေး
စစ်မရောက်ခင်
ပြာလွင်နေတဲ့ ကောင်းကင် ။
_______________________________________________________
ဂျူလိုင်ကို မပေးချင်တဲ့စာ [ ၄ ]
ဘယ်လောက်အထိလဲ လို့ မေးရင်
မန္တလေးမြို့ကြီးလောက် ချစ်ပါတယ် ။
အင်းယားရေတစ်စည်လောက်တော့
လိုချင်ပါတယ် ၊ လိုချင်လိုက်မိပါတယ် ။
_______________________________________________________
ဂျူလိုင်ကို မပေးချင်တဲ့စာ [ ၅ ]
မာနနဲ့
သိပ်လှတဲ့ နှင်းဆီတစ်စည်း ။
ငါလိုကောင် သုညတစ်ခြမ်းက
နမ်းရဲမည်နည်း ။
_______________________________________________________
ဂျူလိုင်ကို မပေးချင်တဲ့စာ [ ၆ ]
ဘုရားသခင်ရဲ့ ဗျာဒိတ်တော်မှာ
သူမကို ချစ်မိရင် လွမ်းရမယ်တဲ့ ။
အတိအလင်း ဟောကြားထားပါလျက်
ရင်ဘတ်ကိုဆွဲထွက်လို့ မိုက်မဲဖူးတယ် ။
_______________________________________________________
ဂျူလိုင်ကို မပေးချင်တဲ့စာ [ ၇ ]
အာဒံက ဧ၀ကိုကျွေးခဲ့တာ
ပန်းသီးဆိုတာ ငါမယုံဘူး ။
ငါဆို ...
အနာဂတ်တစ်ခုလုံး ခွံ့ကျွေးခဲ့တာ ။
_______________________________________________________
ဂျူလိုင်ကို မပေးချင်တဲ့စာ [ ၈ ]
ဖားသူငယ်ရဲ့ ခေါ်သံတလွင်လွင်ကို
ကောင်းကင်က မကြားဘူးထင်ပါရဲ့ ။
အဲဒီနေ့ကစပြီး
ကြာရွက်ထီးကလေးကို မခိုတော့ဘူး ။
_______________________________________________________
ဂျူလိုင်ကို မပေးချင်တဲ့စာ [ ၉ ]
ကောင်းကင်အပြာပေါ်ရေးထားတဲ့
သေတမ်းစာပါ ။
နေ နဲ့ လ ၊ ရွှေ နဲ့ မြ ကတော့
နေခဲ့ကြပါဦး ။
_______________________________________________________
ဂျူလိုင်ကို မပေးချင်တဲ့စာ [ ၁၀ ]
သက်ပြင်းငွေ့ငွေ့လေးထွက်နေတဲ့
မီးရထား မီးခိုးခေါင်းတိုင် ။
မမဂျူလိုင်ရေ ...
ဘယ်လောက်ဝေးအောင် ပြေးနိုင်သလဲ ။
_______________________________________________________
ဂျူလိုင်ကို မပေးချင်တဲ့စာ [ ၁၁ ]
အရပ်ရှစ်မျက်နှာစလုံး
မျက်နှာကိုလက်နဲ့အုပ်ထားတဲ့ အရှုံးတွေ ။
တယောသံတစ်ပုဒ်ကြာသည့်တိုင်
လောကကို ဆွဲဆွဲငင်ငင်ငေးမောရ ။
_______________________________________________________
ဂျူလိုင်ကို မပေးချင်တဲ့စာ [ ၁၂ ]
ကံ တစ်လမ်း ၊ ခြေဖ၀ါး တစ်လမ်း
သံကို ထမ်းပြီးလျှောက်ရတဲ့ပွဲမှာ ။
အမှန်တရားကိုတော့
ပြဒါးသုတ်မထားဖို့ လိုတယ် ။
_______________________________________________________
ဂျူလိုင်ကို မပေးချင်တဲ့စာ [ ၁၃ ]
ညဥ့်နက်လေလေ
ကြယ်တွေကြွေသွားပုံက ပိုလှလေလေ ။
ချစ်ရက်ရှည်မှ လမ်းခွဲနေတော့
လွမ်းပွဲရှည်ရှည် ။
_______________________________________________________
ဂျူလိုင်ကို မပေးချင်တဲ့စာ [ ၁၄ ]
မှိုင်းမှုန် ပြာဝေ
တိမ်တွေ ၀မ်းနည်းနေတယ် ။
ငါတို့ လမ်းခွဲအိုလေး
မိုးစိုနေရှာရော့မယ် ။
_______________________________________________________
ဂျူလိုင်ကို မပေးချင်တဲ့စာ [ ၁၅ ]
ထီးကလေး ထောင်ထားသလို
အမှောင်မှာ ငါတိတ်ဆိတ် ... ။
ဂျူလိုင် မိုးရိပ်
ငါ့စိတ်ပေါ် ယိုဖိတ်ပါစေ ။
_______________________________________________________
မင်းခသူ
Download Pdf Version - 170 Kb
