၁ ။
ကိုယ့်ရင်အစုံပေါ် ခြေတော်တင်ပြီးမှ
ကြယ်တွေဆီ မရောက်ရောက်အောင်သွားနိုင်တဲ့အခါ
ကိုယ့် နာမည်ကို သတိမရရင်တောင်
ဟောဒီကောင်ရဲ့ ကဗျာတွေတော့ ရွတ်ပါ ။
ဒါ ... နိဒါန်းဖြစ်သလို ၊ ကဝေပျိုအတွက်
နိဂုံးတစ်ရွက်လည်း ဖြစ်သွားနိုင်ပါလိမ့်မယ် ။
ဘာပဲဖြစ်ဖြစ်ပေါ့ ...
ပင့်သက်ရှည်ရှည် ၊ ကဗျာရှည်ရှည်နဲ့
သံသရာရှည်နေတဲ့ လကွယ်တိမ်တိုက်ထဲ
ကိုယ် ... ပြေးပုန်းရဲပါပြီ ။
တောင်သမန်ရဲ့ မယ်ဇယ်ပင်တန်းမှသည်
ဟိုး နဂါးငွေ့တန်းဂလက်ဆီတွေအထိ ....
ချစ်သူကိုသတိရကြောင်းလည်း ဆွေးသီတတ်ခဲ့ပါပြီ ။
တစ်စုံတစ်ယောက်အကြောင်းကို
တစ်ယောက်တည်း ခေါင်းခါတွေးတောရတာ
တစ်ခါတစ်ရံ ... နွေနှောင်းဆန်သွားတတ်ရဲ့ ။
ပူပြင်း အုံ့သည်းနေတဲ့ ၊ နေသားတကျ လောကဓံရင်ဘတ်နဲ့
နေပူ မိုးရွာ ... ပဉ္စလက် နှစ်ဆယ့်လေးနာရီများ
မရှိတော့ပြီဖြစ်တဲ့ခြေသံများ ... ကိုယ်ကြားတယ် ။
၂ ။
ကိုယ် ဆုမွန်ကောင်းတောင်းပေးလိုက်ပါတယ်
ခရမ်းပြာ မျက်ဝန်းလေးရယ် ... ။
ညင်းသွဲ့လေပြည် ၊ ကမ္ဘာမြေ ခင်တန်း
ကိုယ်မပန်ဖူးသော မဉ္ဇူသကပန်းကလေး
မွှေးပါစေသား ။
သံတစ်လမ်း ၊ ပြဒါးတစ်လမ်းတွေဆီ
မရွယ်ရည်ဘဲ ရောက်သွားတဲ့အခါ
ကောင်းကင်မှာ ၊ ကိုယ့်ဓူဝံကြယ်ပြာ
မရှိ ...
စိမ့်စီးစမ်းချောင်းတို့မှာ ၊ ငြိမ့်ညောင်းတယောသံ
မရှိ ...
အဖြူရောင်နှင့် ညစ်ညမ်းတဲ့
တိမ်တွေရဲ့ သင်္ခါရလမ်းခွဲ ၊ ဘယ်သူဝမ်းနည်းသလဲ ။
ကိုယ် သီဆို ငိုကြွေးမိပါတယ်
အဝေး ခရမ်းပြာမျက်ဝန်းလေးရယ် ။
ဟောဒီ အထီးကျန်ခြင်းအတွက်
ခေတ်အဆက်ဆက်ရွာချနေမယ့် မိုးခါးရေ
အချစ်ရှုံးသမားအဖို့ ဝတ်ရည်လည်းဖြစ်ပါစေ
ခရောင်းတစ်ပွင့်ချင်းဆီ အရောက်သွားတဲ့
မုတ်သုန်တို့သည်လည်း ချမ်းမြေ့ကြပါစေ ။
၃ ။
မင်းကြားမယ်ဆိုရင်တော့
ကိုယ်ဟာ တပါးသူအတွက်မြည်ဟည်းမယ့်
ဆည်းလည်းသံမဟုတ်ကြောင်း ပြောပြချင်ပါတယ် ။
အလွမ်းမြို့ရဲ့
ရာဇဝတ်သား၏ ကောင်းကင်
သံယောဇဉ်နဲ့ ချစ်သူကြည်လင်စေလှဲ့ကွယ် ။
ချစ်သူ့နာမည်ကို လက်ဖဝါးမှာရေးထိုးလို့
မျက်ရည်တစ်ပြိုက်နှစ်ပြိုက်နဲ့ နမ်းရှိုက်ရတာ
ခိုက်ခိုက်တုန်လွန်းလှတယ် ...
လသာခြင်း ၊ ကြယ်ကြွေခြင်းကင်းတဲ့
ကိုယ့်ရဲ့ သောကသီချင်းဆန်သောညမှာပေါ့
ကံ့ကော်တွေရဲ့ ရနံ့ပေါ်
လက်ထိုးလှော်ခတ် ၊ ဘုံကြိုးပြတ်သော လ
ဘယ်အနန္တမှာ ရှာရမလဲ
ကိုယ် မဆွေးရဲဘူးကွယ် ။
ပစ္စက္ခအိပ်မက်များနဲ့ ခြောက်ခြားစရာလှနေတဲ့
ညကို အဘယ်ကဝေပျို ဖန်ဆင်းခဲ့သလဲ ...
စိမ်းလဲ့မှုန်ပြာ ၊ စုံနံ့သာပတ်ပျိုး ၊ ပင့်သက်ခိုးမျှင်
သခင်လည်း မကြေကွဲတတ်ပါစေနဲ့ ။
၎ ။
ကိုယ်ကတော့ အလွမ်းရဲ့ သိင်္ဂါရီစစ်တလင်းမှာ
အဖန်ဆင်းခံထားရသော သုံ့ပန်းပါ အချစ်ရယ် ။
နေလိုရှိခိုး ၊ လလိုရှိခိုး ၊ မြတ်နိုးမိသော မိန်းမပျိုရေ
စိမ်းညို့နေတဲ့ အဲဒီခရေရွက်တွေကိုတော့ မနင်းလိုက်ပါနဲ့
ဂျက်ဆင်ထိပ်က အတိတ်မေ့နေသော လရိပ်ကလေးကိုလည်း
မခူးလိုက်ပါနဲ့
ကြယ်စင်အိပ်စက် ၊ အဆိပ်တက်နေတဲ့ ညကလေးကိုလည်း
ကြက်ခြေမခတ်လိုက်ပါနဲ့
သူလို ကိုယ်လို ၊ ကောင်းကင်အိုဖြတ်နင်း
မင်း ... ဆိုချင်တဲ့သီချင်းကို ၊ ဆိုပါ ။
နဂါးငွေ့တန်း ၊ ပျားရည်လမ်းခွဲ
နှင်းဆီဓားစက်ပေါ် လဲလျောင်းဦးခိုက်
ကိုယ့်ပါးပြင်သို့ ဓားတွေစိုက်ကျလာ
ကြည်ဖြူမိပါရဲ့ ။
အငွေ့တထောင်းထောင်းနဲ့ မျက်ရည်ချောင်းမှာ
ကျောင်းတော်ရာဟာလည်း သူ့ကိုတမ်းတပြီ တဲ့ ။
နွေနဲ့ မိုးနဲ့ အံဝင်ခွင်မကျသော ဆောင်း
နှင်းမှုန် နှင်းစက်တို့ဆောင်းရင်း ၊ ခရီးပြင်းနှင်
ခြေကျင်းသံတလွင်လွင်သာ ကျန်ခဲ့ပြီ ။
လောကဓံရှစ်ပါးမှာ မေတ္တာတရားနဲ့ ငြိမ်းချမ်းပါစေ
ဆယ့်တစ်ပါးသော မီး ၊ ချစ်သူ့လမ်းခွဲခရီးမှာ ပန်းဖြစ်ပါစေ
ကိုယ် ဆုတောင်းပါတယ် ခရမ်းပြာမျက်ဝန်းလေးရယ် ။
၅ ။
လွမ်းရည်စက်လက် အဲဒီရှုမျှော်ခင်းတစ်ဖက်ကမ်း
နေဝင်သွားပုံတိုင်း တစ်သက်လွမ်းစရာကောင်းတယ် ။
မျက်ရည်ပိုးပိုးပေါက်ပေါက်နဲ့ ...
ရွှေအိုရောင်တောက်နေတဲ့ ဆည်းဆာဟာ
မီးခဲပြာဖုံး ရှုံးသမားကို ပွေ့ပိုက် ...
မကြာခင် ...
အမှောင်ကို နမ်းရှိုက်လိုက်တော့တယ် ။
သူမချစ်ပဲ ... လူဖြစ်ရတာ နာတယ်လို့
ကိုယ့်ရင်ဘတ်ကိုဖိပြီး ကြယ်တွေကိုပြောပြရတာ
ရှက်လိုက်တာကွယ် ။
ခရမ်းရောင်တဖိတ်ဖိတ်လက်နေဲ့ အိပ်မက်လေးကို
အဘယ်နတ်ပျို ပြန်ပေးချင်သလဲ ။
ဂစ်တာတစ်လက်ပေါ်က ကြိုးတွေလိုလည်း
သံတူကြောင်းကွဲ မဝေးရဲဘူးကွဲ့
ရင်ဘတ်ကိုစည်တီးပြီး ကောင်းကင်လိုပြာလွင်ထစ်ချုန်း
ငိုချင်းရှည်သူအတွက် မိုးစုန်းစုန်းချုပ်ဖို့ခက်လှတယ်
အထီးကျန်ကမ္ဘာဆိုတာ
ခေါင်းလောင်းသံတလွင်လွင်နဲ့ တစပြင် ခင်တန်းကလေးပါပဲ ။
တခါတလေ မမြင်မစမ်းနဲ့ လွမ်းရတာ
ကမ္ဘာမှာမပွင့်တော့တဲ့ပန်းကို နမ်းရသလို
မချိုဘူးကွယ် ။
အဲဒီလိုနဲ့ ....
လေးညို့ဆွဲလို့ ထွက်ခဲ့သော စစ်သည်
အလင်း အမှောင်မှာ သားကောင်ဖြစ်ခဲ့ပါပြီ
နေခြည်နဲ့ပြည့်နှက်နေတဲ့ အိပ်မက်ကျောင်းတော်
အဖော်ရှိရင် ကောင်းမယ်
လကွယ်ပေမယ့် နေထွက်မလာတဲ့ ဆောင်းနေ့မှာလည်း
အဖော်ရှိရင် ကောင်းမယ်
ခုတော့ သီချင်းတဝက်တပျက်နဲ့ နှင်းစက်လက်ညများ
အဘယ်နတ်ဘုရား ဖန်ဆင်းပစ်ခဲ့လဲ ။
ရင်ထဲ ...
ညတာရှည်လိုက်တာ ချစ်သောခရမ်းပြာမျက်ဝန်းလေးရယ် ။
၆ ။
ကိုယ်တစ်ယောက်တည်း ကြေကွဲရတဲ့အခါ
ဆောက်တည်စရာ အဘိဓမ္မာမကျန်တော့
ဘုရားသခင်ကိုလည်း ပုန်ကန်လိုက်ချင်တယ် ။
အဖြူအမည်းကျောင်းမှာ ...
သူရဲကောင်းဟာ ရင်ဘတ်ဟောင်းလောင်းနဲ့
ဝိုးဝါးကျန်ခဲ့ပြီ ။
ဆိတ်ကွယ်ရာအရပ်မှာပင် မမေ့ရဲသူကို
မိုက်ရူးရဲလို့ အမည်တပ် ၊ ကိုယ်ကတော့ နေတတ်ခဲ့ပြီ
ပဝေသဏီကစ အနာဂတ်အထိ
ရွတ်ဖတ်နေဦးမယ့် ချစ်သူ့နာမည်
စိတ်မှာရေးထိုးထားတဲ့ သွေးရေးပန်းချီကားပေါ့ ။
မုန်တိုင်းထန်ပြီးရင်တော့ လေပြည်နှော့ဦးမလားဟင် လို့
တချို့ဗေဒင်ဆရာတွေကို မေးစမ်းကြည့်တဲ့အခါ
ဝေဒနာသာ ရေရေရာရာကြွင်းခဲ့တယ်
ကိုယ့်ရင်ကိုနှောင်တည်းထားတဲ့ လောင်မီးကိုမငြှိမ်းရက်လိုဘူး
ဘယ်အက္ခရာနဲ့မှ မှုန်းမထားတဲ့
အရှုံးဆုံးနက္ခတ်တာရာ ၊ စကြ၀ဠာကအစ
ကျောခိုင်းခံရတယ်
သင်းကွဲတယ်ဆိုလည်း ဘာဖြစ်သလဲ
ငရဲပန်းကိုမှ ...
စွဲလမ်းလှတဲ့ကောင်
မီးလှောင်အိမ်မှာ ငြိမ်းချမ်းရစေသား ။
အပင်မြင့်မှာပွင့်လည်း
မြေသင့်ရတာပါပဲ ခရမ်းပြာမျက်ဝန်းလေးရယ်
ဒီလိုပါပဲ ... ခရမ်းရောင်လွင်ပြင်ထက်က
လက်ဖဝါးနဲ့ကွယ်ဝှက်ထားတဲ့
အေးစက်တုန်ရီ .... မျက်ရည်ဆုမွန်စကား
ဘုရားသခင်ကြားစေသား ။
အရေပြားတစ်ထပ်ချင်းအတူတူ
သောကနဲ့ပိုပူရတဲ့လူဟာ ကိုယ်ပါ ။
ဘဝဟာ ...
နွေ မိုး ဆောင်း တို့ဆီက ထွက်ပြေးလာသော
လေထုလို ... ပူ နွေး အေး စက်
သွေးပျက်စရာလည်းကောင်းတဲ့ ဟာသပေါ့ ။
ကဗျာနေ့မှာ ...
တခါမေ့ရင် ငါသည် မီးလောင်ပြင်ဖြစ်စေ
ငါ့သစ္စာတရားနဲ့ လင်းပမွှေးမြတဲ့ လဝန်းတို့
ချစ်သူ့စကားတစ်ခွန်းကို ရုတ်သိမ်းစေကြပါ
ငါ့ကဗျာအား ချစ်သူ့ရွှေနားတော်သွင်းကြပါ
ရှိုက်ကြီးတငင်ဆိုတတ်တဲ့ ...
ဟောဒီကောင်ရဲ့တေးသံစဉ်ကိုလည်း ဆောင်ယူပါ
ဘာပဲဖြစ်ဖြစ်ပေါ့
ဘဝဟာ ပုဒ်မချကောင်းတဲ့အရာ
မဟုတ်ဘူးဆိုတာ ချစ်သူသိစမ်းပါကွယ် ။
၇ ။
အို ... ဝတ်မှုန်ငဲ့
ရနံ့စွတ်စိုရုံ ၊ ကိုယ့်ရင်ခွင်ငွေ့ကိုလှုံပါ
တနေ့မှာ ...
ကိုယ်သေဆုံးသွားခဲ့လို့ရှိရင်
ခရမ်းရောင်လွင်ပြင်မှာ ၊ ကိုယ့်နာမည်ကိုမြှုပ်နှံပါ ။
မြားတန်းလန်းနဲ့ ညောင်ပင်နားမိသောငှက်အတွက်
လက်ဝါးကပ်တိုင်တွေ ၊ ဓမ္မတေးတွေ ဆိုစရာ မလိုပါဘူး
လရောင်ဦးမှာ ....
ကိုယ်နမ်းဖူးသော ခရမ်းပြာလက်ဖမိုးလေးအတွက်
ဘယ်နံပတ်မှမတပ်ဘူးဆိုတာလည်း ယုံပါ ။
ရာဇဝင်ကျော်တို့ ...
လည်ပြန်တူးဖော်ကြတဲ့ ခပ်ကျဲကျဲဒဏ္ဍာရီထဲ
တစ်ထောင့်တစ်ညမကသော ပုံပြင်ကိုလည်း
စောင်းကြိုးခတ်စေချင်တယ် ။
ကျောက်သားဝိဉာဉ် ၊ ခရမ်းရောင်လွင်ပြင်ရိုင်း
ချစ်သူဘွဲ့သီကျူးလို့ ထင်ရာစိုင်းနေရဦးမယ် ။
မင်းဖြတ်သန်းခဲ့သော စာမျက်နှာများကိုလှန်ကြည့်တဲ့အခါ
ကိုယ်ဟာ ...
ဒူးတုပ်ထားတဲ့ ဘီလူးရုပ်တစ်ရုပ်သာဖြစ်ပါလိမ့်မယ်
ကမ္ဘာမြေမှာ ....
သာမည အမ်တမ်တစ်ပွင့်အဖြစ် လွင့်မျောပစ်ရတာ
တန်ပါတယ် ။
ကိုယ့်ရင်ဘတ်ထဲက ...
တဆတ်ဆတ်တုန်ရီနေတဲ့ အရှုံး (သို့မဟုတ်) နှလုံးသားကိုတော့
ရင်ခွဲသူတို့ မြင်ရဲကြပါစေ
နေဝါရီသစ်ရွက်ခြောက်ကလေး
ကိုယ့်သမိုင်းကိုယ် ရေးခဲ့ရာ
ကဗျာတစ်ပုဒ် ၊ နှင်းတစ်ဆုပ်သာ ဆာလောင်ခဲ့ကြောင်း
ဘယ်ဆောင်းကိုမှလည်း ပြောမပြဖြစ်ဘူးကွယ် ။
အို ...
ချစ်သူပြုသမျှ နုရရှာတဲ့
သူရဲကောင်းဆိုသော သတ္တဝါတို့
သုံးဆယ့်တစ်ဘုံမှာ ၊ လွမ်းခွင့်မကြုံတဲ့ဘဝမျိုး
ပိုင်ဆိုင်စီးမိုးကြပါစေသား ...။
မင်းခသူ
